ເຫັນໄດ້ບົດບາດ, ທີ່ຕັ້ງສຳຄັນເປັນພິເສດຂອງວັດທະນະທຳວິສາຫະກິດໃນການພັດທະນາ, ແອັສເອັຈ ບີ ໄດ້ສ້າງວັດທະນະທຳວິສາຫະກິດເປັນປັດໃຈທາງດ້ານຈິດໃຈທີ່ຕິດພັນກັນຢ່າງສະໜິດແໜ້ນໃນທົ່ວລະບົບ. SHB Lao ໄດ້ສຸມໃສ່ການສ້າງແຜນຍຸດທະສາດແຫຼ່ງຊັບພະຍາກອນມະນຸດ ແລະ ກໍ່ສ້າງຖັນແຖວພະນັກງານມືອາຊີບ ໂດຍຮັບປະກັນໃຫ້ຂະບວນການດຳເນີນງານເປັນປົກກະຕິ, ມີປະສິດທິຜົນ ແລະ ຕໍ່ເນື່ອງໃນທົ່ວລະບົບ.
ຢູ່ SHB Lao, ທຸກຄົນພາຍໃນທະນາຄານ ລ້ວນແຕ່ເຮັດວຽກໃນການຈັດຕັ້ງດຽວກັນ, ເຮັດວຽກເພື່ອຜົນປະໂຫຍດລວມຂອງທະນາຄານ; ສ້າງ ແລະ ຮັກສາສະພາບແວດລ້ອມການເຮັດວຽກທີ່ຫ້າວຫັນ, ມີຫົວຄິດປະດິດສ້າງ; ມີຄວາມມານະພະຍາຍາມໃນການສ້າງສະພາບແວດລ້ອມການເຮັດວຽກ ຊຶ່ງເປັນບ່ອນທີ່ພະນັກງານທັງໝົດສາມາດພັດທະນາຄວາມສາມາດຂອງຕົນເອງ. ພະນັກງານວິຊາການ ແລະ ພະນັກງານຄຸ້ມຄອງ ພ້ອມກັນປະຕິບັດວຽກງານບົນຈິດໃຈເຄົາລົບນັບຖືເຊິ່ງກັນແລະກັນ, ຮ່ວມມື ແລະ ແລກປ່ຽນຂໍ້ມູນນຳກັນເພື່ອປະຕິບັດສຳເລັດພາລະກຳຂອງ SHB Lao; ຕອບສະໜອງຜົນປະໂຫຍດສູງສຸດຂອງບັນດາຂາຮຸ້ນ, ບັນດານັກລົງທຶນ ເພື່ອໃຫ້ SHB Lao ວັດທະນາຖາວອນ.