ຜ່ານໄລຍະ 5 ປີ ແຫ່ງການກຳເນີດ ແລະ ພັດທະນາ, SHB Lao ມີຄວາມເອກອ້າງທະນົງຕົວເປັນທະນາຄານຕ່າງປະເທດທີ່ມີການເຕີບໂຕໃນການເຄື່ອນໄຫວ, ພັດທະນາຢ່າງໝັ້ນຄົງ ແລະ ປອດໄພ, ພ້ອມກັນ ນັ້ນກໍໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ–ສັງຄົມ ຂອງ ສປປ ລາວ.
ປີ 2012
ໃນວັນທີ 15 ສິງຫາ 2012 SHB Lao ໄດ້ເລີ່ມຕົ້ນເຂົ້າສູ່ການເຄື່ອນໄຫວ ໃນຖານະເປັນສາຂາໜຶ່ງຂອງທະນາຄານແມ່ຢູ່ຫວຽດນາມຄື ທະນາຄານຮຸ້ນສ່ວນການຄ້າໄຊງ່ອນ-ຮ່າໂນ້ຍ, ສາຂາລາວ ຕັ້ງຢູ່ເມືອງປາກເຊ ແຂວງຈຳປາສັກ ສປປ ລາວ ມີທຶນຈົດທະບຽນ 104 ຕື້ກີບ.
ປີ 2015 – ຮອດປະຈຸບັນ
ໃນວັນທີ 15 ມັງກອນ 2016, ໂດຍໄດ້ຮັບການອະນຸຍາດຈາກທະນາຄານກາງແຫ່ງ ສປປ ລາວ (BOL), SHB Lao ໄດ້ຫັນຈາກສາຂາຕ່າງປະເທດມາເປັນທະນາຄານເຕັມຮູບແບບ ດ້ວຍທຶນ ຂອງຕ່າງປະເທດ 100% ທີ່ລົງທຶນຢູ່ ສປປ ລາວ ຊຶ່ງມີ ທຶນຈົດທະບຽນເກືອບ 405 ຕື້ກີບ.
ຜ່ານໄລຍະ 5 ປີ ແຫ່ງການເຄື່ອນໄຫວ SHB Lao ສາມາດຢັ້ງຢືນໄດ້ພາບພົດຊື່ສຽງ ແລະ ອັດຕາສ່ວນຍຶດຄອງຕະຫຼາດຢູ່ ສປປ ລາວ.